Кафедра университеттин Илимий Кеңешинин 2013-жылдын 28-июнундагы чечими менен Ректордун №16 буйругуна ылайык “философия жана коомдук илимдер”, “табигый илимдер”, “информатика”, “дене тарбия” кафедраларынын негизинде кайрадан уюшулган. Аталган кафедралар окуу жайдын ачылышы менен удаа уюшулуп, профессор-окутуучулар философия илимдеринин доктору, профессор Кадырбек Чолпонбаевич Карабеков, филология илимдеринин кандидаттары, доценттер Раимжан Эгембердиев, Курманжан Пайзуллаева, педагогика илимдеринин кандидаттары, доценттер Таштан Бөрүбаев, Төлөгөн Омошев, доцент Малик Таштанов, физика-математика илимдеринин кандидаты, профессор Акматбек Бектеналиев, экономика илимдеринин кандидаты, доцент Нурбек Ормонов, ага окутуучу Кадыралы Жунусов, тарых илимдеринин кандидаты, доцент Жеңишбек Дүйшеев тарабынан жетектелип келген. Учурда кафедраны тарых илимдеринин кандидаты, профессор, Аймактык Башкаруу академиясынын мүчө-корреспонденти Дүйшеев Жеңишбек Аматисакович жетектейт. Кафедрада  3 илимдин кандидаттары, профессорлор, 1 доцент, 1 ага окутуучу, 8 окутуучу, 1 лаборатория башчысы эмгектенишет.

Билим берүү ишмердүүлүгү: Бакалавр, окутуунун салттуу жана жаңы усулдары (Сабак-конференция, сабак-диспут, сабак-брифинг ж.б.

Центрлер, кабинеттер, лабораториялар: Кафедрага №20, №22, №24 компьютердик класстар жана профессор А.А. Бектаналиев атындагы усулдук кабинет карайт.

1. Ата Мекен Тарыхы – (Дуйшеев Ж.)
2. Философия – (Дуйшеев Ж.)
3. Педагогика Жана Психология- (Дуйшеев Ж.)
4. Укук Таануу – (Дуйшеев Ж.)
5. Саясат Таануу - (Дуйшеев Ж.)
6. Социология – (Дуйшеев Ж.)
7. Математика – (Борубаев Т.)
8. Информатика - (Омошев Т., Сатыбалдиев Р.)
9. Экономикадагы Маалыматтык Технологиялар-(Омошев Т., Сатыбалдиев Р.)
10. Жаңы Маалыматтык Технологиялар (Системалар)- (Арстанова Ж.)
11. Алгоритмдөө Жана Программалоо - (Арстанова Ж.)
12. Экология- (Асанова Н., Нурдинова Ж.)
13. Азыркы Учурдагы Табият Таануу Концепциясы- (Асанова Н., Нурдинова Ж.)
14. Ыктымалдуулуктар Теориясы Жана Математикалык Статистика- (Борубаев Т.)
15. Экономикадагы Моделдер Жана Математикалык Усулдар-(Борубаев Т.)
16. Каржылык Математика - (Кенжебаев Р.)
17. Дискреттик Математика - (Абдубекова Ж.)
18. Кесиптик Математика - (Абдубекова Ж.)
19. Экология Негиздери - (Асанова Н., Нурдинова Ж.)
20. Жаратылышты Пайдалануунун Экологиялык Негиздери - (Асанова Н., Нурдинова Ж.)
21. Кесиптик Ишмердиктеги Маалымат Технологиялары - (Исраилов И. Мадимарова К.)
22. Жк Колдонуу Менен Эсепти Автоматташтыруу - (Исраилов И.Мадимарова К.) И.,
23. Психология - (Дуйшеев Ж.)
24. Педагогика - (Дуйшеев Ж.)
25. Туризмдеги Информациялык Технология - (Арстанова Ж.)

Биздин кафедранын окутуучулары тажрыйба алмашуу максатында Республикабыздын жана чет өлкөлөрдүн тиешелүү кафедралары менен байланышып турушат. Маселен, ЖАМУ, ОшМУ, БГУ, БатМУ, Үрүмчү университети, Ж.Баласагын атындагы Улуттук университет, Кыргыз-Орус университети, Нарын Университети, Талас университети ж.б.

Келечекте кафедра атайын даярдыктардын негизинде окутуунун болон системасынын талабына толук жооп берген окутуучулардын чордонуна айланат.

Кафедра окутуучулары пландуу жана демилгелүү тандап алган темаларынын үстүндө илимий изилдөө иштерин жүргүзүшөт. Профессорлор  Ж.А.Дүйшеев жана Т.Т.Омошевдер докторлук диссертацияларын аяктоонун астында турушат.

Студенттердин илимий изилдөө иштери: Окутуучулар өздөрүнүн сабактары боюнча кызыккан студенттердин терең жана ар тараптуу маалымат алыш үчүн ийримдерде иш алып барышат. Маселен, «математика», «информатика», «укук таануу», «экология», «саясат таануу» сабактары боюнча кафедра алдында ийримдер иштейт.

Монография:

1.Дүйшеев Ж.А. Тарыхчы Кушбек Үсөнбаев. Жалал-Абад. 2012.;

2.Мамасыдыков А.А. Билим багбаны 60 жашта. Жалал-Абад. 2007.;

Окуу усулдук колдомолор:

1. Дүйшеев Ж.А. Философтордун биографиялык сөздүгү. Жалал-Абад. 2014.;
2. Дүйшеев Ж.А. Философия боюнча тест. Жалал-Абад. 2015.;
3. Дүйшеев Ж.А. Социологиялык сөздүк. Жалал-Абад. 2011.;

4. Дүйшеев Ж.А. «Ата Мекен тарыхы» боюнча мамлекеттик сынактын программасы. Жалал-Абад. 2011.;
5. Дүйшеев Ж.А. «Саясат таануу» сабагы боюнча экономикалык багыттагы адистиктер үчүн окуу-усулдук колдонмо. Жалал-Абад. 2011.