Кафедра экономики, менеджмента и туризма

Менеджмент кафедрасы Экономика жана ишкердик университетинин 2002 – жылы 12-сентябрда ЖАКИ  ректорунун 19 – приказы менен уюшулган. Кафедра университеттин уставдары менен иш жүргүзөт. Экономика жана ишкердик университетинин 2010-жылы май айындагы илимий кеңешинин чечиминин негизинде  ректордун 2010-жыл 6-майдагы №32 буйругу менен Социалдык маданий тейлөө жана туризм кафедрасы ачылган. 2013 – 2014 окуу жылынан баштап эки кафедра биргелешип “менеджмент жана туризм кафедрасы” болуп аталган. 2022-2023 окуу жылынан баштап “Экономика, менеджмент жана туризм” болуп аталып иш алып барууда.

Кафедраны өнүктүрүү жана чыңдоо максатында жакынкы жана алыскы чет өлкөлөрдөгү, жергиликтүү башка окуу жайлары жана мекемелер менен байланышып кызматташууда. Кафедранын негизги милдети элдердин ортосундагы маданиятты өнүктүргөн, ишеничтерди актаган, көздөгөн максатын ишке ашырган менеджер жана туризм адистигинин ээлерин даярдап чыгаруу болуп эсептелет. Бизнестин этикасы менеджменттин алтын ачкычы болуп эсептелет. Ошол максат менен кафедра төмөнкүлөрдү максат кылып коет:  

1. Билим алуудагы, өндүрүштөгү, маданият жана тарбиядагы маселелерди чечүү багытындагы илимий изилдөөлөрдү жүргүзүү;
2. Жогорку денгээлдеги адистерди даярдоо, профессорлук, мугалимдик составдын кесиптик (илимий) даражаларын жогорулатуу;
3. Мамлекеттик ишканалар, коомдор жана жеке ишканалар менен келишимдин негизинде адистердин квалификациясын жогорулатуу;
4. Кафедранын максаттарын жана милдеттерин ишке ашырууда жана бөлүмдүн материалдык базасын өнүктүрүп өстүрүүдө эл аралык коомдор жана фонддор менен иштөө;
5. Кыргызстандын жана Түркиянын башка университеттеринин жогорку квалификациядагы мугалимдердин көңүлүн буруу;
6. Үзгүлтүксүз билим алуу формасында жогорку деңгээлдеги адистерди келишимдин негизинде даярдап чыгаруу. Билим берүүнүн мазмуну мамлекеттик билим берүүнүн стандарттык талаптарына баш ийет.

Менеджмент жана туризм кафедрасы университет аркылуу ар кандай келишимдерди түзүү менен бирге Кыргызстандын ичиндеги жана эл аралык масштабдагы чет өлкөлүк ишканалар, мекемелер  менен байланыштарды мыкты денгээлде иш жүргүзүп келүүдө. Ошондой эле, Эл аралык Кыргыз-Түрк интститутунун студенттери үчүн Түркия мамлекетиндеги бир катар отель, мейманканалардын жетекчилери менен келишимдер түзүлгөн. Жыл сайын окуу жылынын аягында график боюнча студенттерди тажрыйба алуу максатында башка мамлекеттеги же болбосо Кыргызстан ичиндеги ишканаларга практикага жөнөтүлүп турат.

         Түзүлгөн келишимдердин негизинде менеджмент жана туризм кафедрасы Бишкек шаарындагы Эл аралык Ататүрк-Алатоо университетинин “Дүйнөлүк экономика” кафедрасы, ошол эле шаардагы Кыргыз-Түрк Манас университетинин “Экономика жана башкаруу” факультети (2000), Түркия мамлекетиндеги Сакария университетинин “Менеджмент” факультети (2009), Стамбул университетинин “Менеджмент” факультети жана ошондой эле Түркиядагы Сулайман Демирел (2013), Кастамону (2010), Невшехир университеттери менен келишимдерди түзүп, тыгыз байланышта иш алып барышууда.

Иш план 2023-2024 жыл.

Отурумдар планы 2023-2024 жыл

Штаттык формуляр 2023-2024 жыл