Экономика жана ишкердик университетинин Каржы жана статистика кафедрасы Жалал-Абад коммерциялык институтунун Окмуштуулар Кеңешинин токтомунун негизинде эсеп-каржы факультетинин Бухгалтердик эсеп кафедрасын бөлүү менен 2000-жылдын 5-сентябрында уюштурулган жана 521603 «Каржы жана насыя» адистигин даярдоо үчүн «Каржы жана статистика» кафедрасы наамы ыйгарылган.

Өз алдынча кафедраны түзүү максаты болуп, жогорку билимберүү программаларын кафедрага бекитилген сабактарды тереңдетип окутуу аркылуу ишке ашыруу болуп саналат. Ошондой эле кафедра жогорку окуу жайдын, факультеттин негизги окуу-илимий курамдык бөлүмү болуп саналат, окуу-усулдук жана бир же бир нече тектеш сабактар боюнча илимий, студенттер арасында тарбиялык жумуштарды жүргүзүү жана ошондой эле илимий педагогикалык кадрларды даярдоо жана алардын квалификациясын жогорулатуу боюнча иштерди алып барат.

Азыркы учурда кафедранын курамы 15 профессордук-окуутуучулардан турат. Анын ичинде 3 экономика илиминин доктору профессор, 3 экономика илимдердин кандидаты доцент, 1 доцент, 1 ага окутуучу, 3 окутуучу ийгиликтүү эмгектенишүүдө. Билим берүүдө жогорку билимдүү өз кесибин мыкты билген тажрыйбалуу окутуучулар тарабынан жүргүзүлөт. Учурда кафедраны э.и.к., доцент Н.К. Токтомаматова жетектейт. Кафедранын максаты - сапаттуу билим аркылуу эл чарбачылыгына зарыл болгон билимдүү, ийкемдүү жана маданияттуу мыкты адистерди даярдоо. Окуу программалары мамлекеттик стандарттын негизинде түзүлүп, мыкты методикалык иштелмелер менен коштолгон.

Финансы жана Статистика Кафедрасында

«Каржы жана кредит» адистигинин «Салык жана салык салуу» ошондой эле «Банк иши» адистешүүсү боюнча бүтүрүүчүлөрдү күндүзгү жана сырттан окуу формасында даярдайт. Студентер өздөрүнүн теориялык алган билимдерин практика жүзүндө аймактардагы коммерциялык банктарда, салык инспекцияларында, финансылык компанияларда, социялдык фонддордо, финансы башкармалыктарында, казына бөлүмдөрүндө бышыкташат.

Экономика жана ишкердик университеинин илимий кеңешинин 2013-жылдын 28-июнундагы чечими менен ЭИУнун ректорунун №16 буйругунун негизинде кайрадан уюшулган. Кафедра 4 илимдин кандидаттары, профессорлор, 1 доцент, 2 ага окутуучу, 3 окутуучу, 1 инжинер-программист, 1 лаборатория башчысы эмгектенишип, окуу жайдын коомдук, илимий жана маданий иш-чараларына жигердүү катышып турушат. Профессорлор Т.Б. Бөрүбаев (табигый илимдер), Т.Т. Омошев (маалыматтык технологиялар), М.А. Таштанов (спорт багыты), доценттер К.У. Пайзуллаева, ага окутуучу Э.А. Авазова, А.О. Шерматов кафедранын окуу, усулдук, материалдык жактан калыптанып өнүгүшүнө салымдарын кошуп, үзүрлүү эмгектенүүдө.

Кафедраны убшулгандан тартып азыркы күнгө чейин т.и.к., профессор Ж.А. Дүйшеев жетектеп келет.Кафедранын окутуучулар курамы республикалык жана аймактык деңгээлдеги илимий жыйындарды, семинарларды түрдүү багыттагы маданий иш чараларды уюштурушуп, эл аралык, республикалык алкактагы маданий иш чараларга катышып келишет. Алар тарабынан даярдалган студенттер олимпиадаларда, конференциялардв, спорттун айрым түрлөрү боюнча жыл сайын өтүүчү «Универсиадага» катышып, байгелүү орундарга ээ болуп келишүүдө. Башка илимий мекемелер жана окуу жайлар менен болгон байланыштардын алкагы кеңейип, Республикалык жана чет элдик окмуштуулар менен болгон алакалар күчөп өнүгүүдө.

«Бухгалтердик эсеп, талдоо жана көзөмөл» кафедрасы Экономика жана ишкердик университетинин (ЭИУ) башаты болуп саналат. Себеби, 1-апрель 1993-жылы Жалал-Абад коммерциялык институту уюшулгандан тартып, эң алгачкы кафедра болуп  1994-жылы түзүлгөн.

Кафедранын биринчи негиздөөчүсү 1994-1998-жылдары - э.и.д., профессор А.А. ААрзыбаев;

- 1998-2006-жылдары - э.и.д., профессор С.А. Омурзаков;

- 2006-2008-жылдары э.и.к., профессор Н.А. Ормонов;

- 2008-жылдан тартып бүгүнкү күнгө чейин - э.и.к., доцент А.М. Маткеримова жетектеп келүүдө;

Азыркы учурда кафедранын курамында 2 э.и.д.,  1 э.и.к., профессор, 3 э.и.к. доцент, 1 доцент жана 2 ага окутуучу талыкпастан эмгектенишет.

Адистик сабактарды тереңдетип үйрөтүү максатында бухгалтердик эсеп, талдоо жана аудит сабактарын кафедранын профессор-окутуучулар курамы жаңы интерактивдик усулдарды колдонуп, заманбап технологиялар менен жабдылган аудиторяларда окутушат, ошондой эле студенттерге теориялык алган билимдерин тажрыба менен айкалыштырып билим берүүдө.

Окуу Усулдук Ишмердүүлүгү

- Окуу иштерин жүргүзүүнүн сапатын жогорулатуу:

- сабактарды бекитилген мамлекеттик стандартка ылайыкташты-рып түзүлгөн жумушчу программалардын негизинде жүргүзүү;

- профессордук-окутуучулар тарабынан студенттерди өз алдынча сабактарга даярдоо максатында электрондук көргөзмө куралдарды өнүктүрүү (тесттер, практикалык окуу оюн курстары, кейс-стади);

- окуу жүргүзүүнү үзгүлтүксүз өркүндөтүү үчүн окуу процессиндеги алсыз (начар) жагдайларда ачуу жана студенттер арасында анкета жүргүзүү (студенттердин сабака катышуусу, академиялык чынчылдык);

- атайын дициплиналарды окутууну өркүндөтүүдө профессордук-окутуучулар курамынын арасында семинарларды уюштуруу жана өркүндөтүү.

2013-жылы 3-сентябрында №04-ок буйруктун негизинде Экономика жана ишкердик университеиндеги структуралык өзгөрүүлөрдүн натыйжасында «Экономика» жана «Бизнес жана укук» кафедралардын базасында «Экономика, менеджмент жана укук» кафедрасы болуп кайрадан түзүлгөн. Кафедра экономика багытындагы адистерди даярдоого багытталган. Кафедраны э.и.к., доцент М.Д. Кочкорбаева жетектейт.

Кафедра төмөнкү багыттагы Экономика жана ишканаларды башкаруу, Экономикадагы маалыматтык системалар, Мамлекеттик жана муниципальдык башкаруу, Бажы жана Уюмдардын менеджменти адистиктерин даярдап чыгарууда. Бүтүрүүчүлөрдүн көпчүлүгү экономиканын ар түрдүү тармактарында жана бажы органдарында ийгиликтүү иштөө менен биргеликте, жетекчилик кызматтарда үзүрлүү эмгектенишип, Кыргызстандын өнүгүүсүнө өз салымдарын кошууда. Ошондой эле көптөгөн бүтүрүүүчүлөрүбүз жогорку билим берүү тармагында эмгектенишүүдө. Кафедранын негизги принциби: «Ар бир окутуучунун максаты - билимди берүү менен биргеликте, студенттин экономикалык ой жүгүртүүсүн калыптандыруу менен таза эмгектенип жашоону үйрөтү».Кафедранын окутуучулар курамы ар түрдүү долбоорлорго катышып, бизнес чөйрөсү менен тыгыз иш алып барышууда. Мисалы, э.и.к., доцент М.Д. Кочкорбаеванын катышуусу менен 2011-жылдын декабрында Германиянын Густав Штреземан институтунун «Профессионалдык билим берүүдө социалдык өнөктөштүктү өнүктүрүүнү күчөтүү жана Кыргызстандагы окутуу» долбоору «Билим берүү мекемелер бирикмеси» ассоциациясынын өнөктөштүгүн жардамында ишке ашырылган.Экономика жана ишкердик университети пилоттук окуу жайлардын бири катары гид - саясатты иштелип чыгылган. Экономика жана ишкердик университеинин окутуучулары туризм тармагында кадрларга билим берүү модулдарын даярдоочу тренер деген сертификаттарды алышкан.